விருச்சிகம்:

வாரம் முழுவதும் ராசிநாதன் செவ்வாயும், தனாதிபதி சனியும் இணைந்திருப்பது விருச்சிக ராசிக்கு ஒரு வகையான தனயோகம். முயற்சிகள் பலித்து அதன் மூலமான பண வரவு வரக்கூடிய வாரம் இது. பணம் என்பது வேலை, தொழில், வியாபாரம் மூலம் சம்பாதிக்க கூடியது என்பதால் இதுவரை மேற்கண்ட ஜீவன அமைப்புகளில் நல்லவை நடக்காதவர்கள் சில மாற்றங்களை இப்போது சந்தித்து நன்மைகளை பெறுவீர்கள். உங்களில் சுக்கிர தசை நடப்பவர்களுக்கு அதிக நன்மைகள் இருக்கும். விருச்சிகத்தினர் வெற்றி பெறும் வாரம் இது.  

விருச்சிக ராசிக்கு பூர்வ புண்ணிய பலத்தினால் அதிர்ஷ்டம் கை கொடுக்கும் நிகழ்ச்சிகள் நடப்பதோடு குடும்பத்திலும் சந்தோஷமான நிகழ்வுகள் இருக்கும். உங்களின் மனோதைரியம் அதிகமாக இருக்கும். எதையும் சாதிக்க முடியும் என்ற நம்பிக்கை பிறக்கும். உங்களில் சிலர் வேலையில் சாதனை செய்து நல்லபெயர் எடுப்பீர்கள். நிலுவையில் இருந்து வந்த பிரச்னைகள் முடிவுக்கு வரும். எதிர்பாராத இடத்தில் இருந்து பணம் கிடைக்கும். வேலை செய்யும் இடத்தில் இருந்து வந்த மனக் கசப்புகள் விலகும்.

அலுவலக நேரம்: 10:00 AM - 6:00 PM

தொடர்பு எண்கள். செல்.8681 99 8888, 8870 99 8888, 8428 99 8888, 7092 77 8888, 044-24358888, 044-48678888.

குருஜி அவர்களின் கட்டுரை மற்றும் ராசி பலன்களை வாட்ஸ் அப்பில் பெற குருஜியின் whatsapp சேனல் அஸ்ட்ரோ குருஜியை கீழ்காணும் லிங்கில் சப்ஸ்கிரைப் செய்து கொள்ளவும்...

https://whatsapp.com/channel/0029Va5e3OR0rGiLgmkhJ537

ஜோதிடக்கலை அரசு ஆதித்யகுருஜி

கைப்பேசி : +91 9768 99 8888

விருச்சிகம்:

மாதத்தின் பெரும்பகுதி நாட்கள், ராசிநாதன் செவ்வாய் உச்ச நிலையில் இருப்பது விருச்சிக ராசிக்கு அதிர்ஷ்டம் தரும் அமைப்பு. அதைவிட மேலாக வேலை மற்றும் தொழிலுக்கு அதிபதியான சூரியன், இந்த மாத முற்பகுதியில் தன்னுடைய வீட்டையே பார்ப்பதால் இதுவரை வேலை,தொழிலிடங்களில் சிக்கல்களை சந்தித்தவர்களுக்கு நல்ல பலன்கள் நடக்கின்ற மாதம் இது. குறிப்பாக விருப்பமில்லாத பணியில் அனைத்தையும் சகித்துக் கொண்டு வேலை செய்யும்  இளைஞர்களுக்கு இப்போது மாற்றங்கள் வரும்.

ராசிநாதன் செவ்வாய் சுக்கிரனோடு இணைந்திருப்பது பெண்களால் லாபங்களும் இனிமையான சம்பவங்களும் இருக்கும் என்பதைக் காட்டுகிறது. குடும்பத்தில் நல்ல நிகழ்ச்சிகளும் பணவரவுகளும் இருக்கும். மனைவி மற்றும் பங்குதாரர்கள் வழியில் லாபங்கள் உண்டு. குறிப்பாக வேலைக்கு செல்லும் மனைவியால் உங்களின் தேவைகள் நிறைவேறும். உச்ச செவ்வாய் பணியிடங்களில் உங்களை ஆத்திரமூட்டி பார்ப்பார் என்பதால் எந்தவிதமான கோபத்திற்கும் ஆளாகாமல் பணிவாக இருப்பது நல்லது. அடக்கம் அமரருள் உய்க்கும் என்ற தெய்வவாக்கை நினைவுபடுத்திக் கொள்ளுங்கள். குழந்தைகள் மூலம் சந்தோஷமான விஷயங்கள் இருக்கும். கொடுக்கும் வாக்குறுதியைக் காப்பாற்றுவீர்கள்.  பழைய வாகனத்தை மாற்றி புதியதாக வாங்குவீர்கள். வாகனம் இல்லாதவர்களுக்கு வாகனயோகம் இப்போது உண்டு. மாணவர்களுக்கு படிப்பு நன்கு வரும். உயர்கல்வி கற்பதற்கு இருந்து வந்த தடைகள் நீங்கி மேல்படிப்பு படிக்க முடியும்.

ராசிநாதன் வலுப்பெறுவதால் கருத்து வேறுபாடுகள் ஏற்பட்டு பிரிந்திருந்தவர்கள் மீண்டும் சேருவீர்கள். தொழில் சிக்கல்கள் சரியாகும். சிலருக்கு அதிகமுயற்சி இல்லாமலே சில காரியங்கள் நடந்து மகிழ்ச்சியில் ஆழ்த்தும். வாழ்க்கைக்கு தேவையான அனைத்து விஷயங்களும் நல்லபடியாக நடக்கும். சிலருக்கு வாழ்க்கை லட்சியத்தை அடைவதற்கான ஆரம்பக்கட்ட முயற்சிகள் இருக்கும். அரசு, தனியார்துறை ஊழியர்கள் மேலதிகாரிகளிடம் பணிந்து போவது நல்லது. வேலை தேடும் இளைய பருவத்தினருக்கு  விருப்பமில்லாத அமைப்பில் வேலை கிடைக்கும். ஆன்மிகம் சம்மந்தப்பட்ட துறைகளில் இருப்பவர்களுக்கு நல்ல பலன்கள் நடைபெறும்.

1,2,3,6,7,15,17,20,22,24 ஆகிய நாட்களில் பணம் வரும். 17-ம்தேதி அதிகாலை 4.21 மணி முதல் 19-ம்தேதி அதிகாலை 1.37 மணி வரை சந்திரன் எட்டில் மறையும் சந்திராஷ்டம நாட்கள் என்பதால் உங்களுக்கு தெளிவற்ற மனநிலை இருக்கும். இந்த நாட்களில் எவ்வித புதிய ஆரம்பங்களும், முயற்சிகளும் செய்ய வேண்டாம்.

அலுவலக நேரம்: 10:00 AM - 6:00 PM

தொடர்பு எண்கள். செல்.8681 99 8888, 8870 99 8888, 8428 99 8888, 7092 77 8888, 044-24358888, 044-48678888.

குருஜி அவர்களின் கட்டுரை மற்றும் ராசி பலன்களை வாட்ஸ் அப்பில் பெற குருஜியின் whatsapp சேனல் அஸ்ட்ரோ குருஜியை கீழ்காணும் லிங்கில் சப்ஸ்கிரைப் செய்து கொள்ளவும்...

https://whatsapp.com/channel/0029Va5e3OR0rGiLgmkhJ537