சிம்மம்:

ராசியை குரு பார்ப்பதால் நல்லவை நடக்கும் வாரமாக இது அமையும். அதேநேரத்தில் ஏழில் சனி அமர்ந்து சனியின் பார்வையும் ராசிக்கு உள்ளதால் அனைத்தும் இழுபறியாக நடந்துதான் சாதகமாக முடியும். உங்களில் சிலர் கிழக்கு நாடுகளுக்கு வேலை விஷயமாகச் செல்வீர்கள். குழந்தைகளால் படிப்புச் செலவுகள் போன்றவைகள் இருந்தாலும் அவர்களைப் பற்றிய கவலை இருக்காது. குடும்பத்தில் பொருட் சேர்க்கை இருக்கும். சிலருக்கு தந்தை வழியில் விரயங்களும் மருத்துவ செலவுகளும் அப்பாவினால் மனக்கஷ்டங்களும் உண்டு.

ஏழில் இருக்கும் சனியால் வாழ்க்கைத் துணையுடன் சண்டை, சச்சரவுகள், கருத்து வேறுபாடு தோன்றும் என்பதால் விட்டுக் கொடுத்துப் போவதோடு மற்றவர் செய்யும் தவறை பொறுத்து போவதும் நல்லது. அதேநேரத்தில் சுக்கிரனின் வலுவால் எதையும் சமாளிப்பீர்கள். இளைஞர்களுக்கு நல்ல சந்தர்ப்பங்கள் கிடைக்கும். பெண்களுக்கு இது நல்ல வாரம். பெரிய பிரச்சினைகள் எதுவும் வருவதற்கு வாய்ப்பில்லை. மனதில் உள்ளதை வெளிப்படையாக எவரிடமும் பகிர்ந்து கொள்ள வேண்டாம். சிலருக்கு அலைச்சல்கள் அதிகமாக இருக்கும்.

ஜோதிடக்கலை அரசு ஆதித்யகுருஜி

கைப்பேசி : +91 9768 99 8888 

சிம்மம்:

மாதம் முழுவதும் ராஜ யோகாதிபதி செவ்வாய் பத்தாமிடத்தில் சுபத்துவமாக உள்ளதால் சிம்மத்திற்கு அதிர்ஷ்டம் ஆரம்பிக்கும் மாதம் இது. அதிர்ஷ்டமான வார்த்தைகளை எவ்வளவு வேண்டுமானாலும் இப்போது சிம்மத்திற்கு சொல்லலாம். நீங்கள் முயற்சிகளைச் செய்ய வேண்டும் அவ்வளவுதான். முன்னேற்றங்கள் ஆரம்பிக்க இருக்கும் மாதம் இது. பிறந்த ஜாதக தசா புக்தி அமைப்பினால் உங்களில் சிலருக்கு இதுவரை நடந்த எதிர்மறை பலன்கள் யாவும் விலகிக் கொண்டிருப்பதை நீங்கள் உணர முடியும். இனிமேல் சிம்ம ராசிக்காரர்களுக்கு நன்மைகள் மட்டுமே நடக்கும். 2023-ம் வருடம் உங்கள் வருடமாக இருக்கும். எதிலும் ஜெயிப்பீர்கள். கவலை வேண்டாம்.

எனக்கு ஒன்றும் சரியாக நடக்கவில்லையே என்று மனதிற்குள் குழம்பி கொண்டிருப்பவர்கள் கூட முயற்சிகளை செய்து வெற்றி காணும் மாதம் இது. குருபகவான் எட்டில் இருப்பதால் உங்களில் சிலருக்கு சுப காரியங்கள் நடைபெற முன்னேற்பாடுகள் உண்டு. குரு மறைந்திருந்தாலும் நிறைவாக ஆட்சி நிலையில் இருக்கிறார். அவருடன் வீடு, வாகனத்தை தரும் சுக்கிரன் இந்த மாதம் உச்சம் அடைவது சிம்மத்திற்கு யோகம். குரு 2, 4 ஆம் இடத்தைப் பார்ப்பது, அந்த வீடுகளை வலுப்படுத்தும் என்பதால் உங்களில் சிலர் இப்போது திருமணம் நடக்கப் பெறுவீர்கள். அல்லது வாழ்க்கைத் துணையை அடையாளம் காணும் நிகழ்ச்சியாவது இந்த மாதம் இருக்கும். பிரிந்தவர்கள் ஒன்று கூடுவீர்கள். நீண்டநாள் பார்க்காத நண்பர்கள் உறவினர்களை இந்த மாதம் பார்த்து மனம் மகிழ உரையாடுவீர்கள். புதிய வீடு வாங்குவீர்கள். சிலர் இருக்கும் வீட்டை மேம்படுத்துவீர்கள் புதிய நல்ல வாகனம் அமையும். வசதிக்குறைவான வீட்டில் இருப்பவர்கள் வசதியான வீட்டிற்கு இடம் மாறுவீர்கள்.

குடும்பத்தில் மகிழ்ச்சி நிலவும். வழக்குகள் உங்கள் பக்கம் தீர்ப்பாகும். பிரச்சினைகள் எதுவும் கிட்டே வராது. எதிலும் வெற்றி கிடைக்கும். அறிமுகம் இல்லாதவர்களும் வலிய வந்து உதவுவார்கள். மாத பிற்பகுதியில் ராசிநாதன் சூரியன் ராசியை பார்ப்பது தொழில் வேலை, வியாபாரம் போன்ற அமைப்புகளுக்கு நல்ல பலனை அளிக்கும். கேது மூன்றில் உள்ளதால் ஆன்மிகம் சம்பந்தமான பிரயாணங்கள் செய்வீர்கள். புனிதத் தலங்களை தரிசிக்கும் வாய்ப்பு கிடைக்கும். சிலருக்கு ஞானிகள் தரிசனம் கிடைக்கலாம். இதுவரை குலதெய்வ வழிபாடு செய்யாதவர்கள் மற்றும் நேர்த்திக் கடன் செலுத்தாதவர்கள் அவற்றை முடிப்பீர்கள். சிம்மம் இனிமேல் எதையும் சாதிக்கும் என்பதை நிரூபிக்கும் மாதம் இது.

1,2,3,10,11,12,20,23 ஆகிய நாட்களில் பணம் வரும். 22-ம் தேதி அதிகாலை 1.11 முதல் 24-ம் தேதி அதிகாலை 3.44 வரை சந்திராஷ்டம நாட்கள் என்பதால் இந்த நாட்களில் எந்த ஒரு ஆரம்பங்களையும், புதிய முயற்சிகளையும் செய்ய வேண்டாம். புதிதாக ஒருவரை அறிமுகப்படுத்தி கொள்வது போன்ற விஷயங்களையும் இந்த நாட்களில் தள்ளி வைக்கவும்.

அலுவலக நேரம்: 10:00 AM - 6:00 PM 

தொடர்பு எண்கள் செல்: +91 9768 99 8888,  8870 99 8888, 8681 99 8888 +91 44 2435 8888, +91 44 4867 8888

குருஜி அவர்களின் கட்டுரை மற்றும் ராசிபலன்களை whatsapp ல் பெற  +91 8428 99 8888 என்ற எண்ணிற்கு தகவல் தரவும்.